Beskrywing
’n
Huweliksertifikaat dien as bewys dat jy getroud is. ’n Huwelik moet
voltrek word in die teenwoordigheid van die twee mense wat trou,
twee getuies wat hulle identiteitsdokumente by hulle het, en ’n
huweliksbeampte.
Gaan jou huwelikstatus aanlyn na.
[Bo]
Stappe om te volg
- Die twee mense wat gaan trou, moet identiteitsdokumente hê en
vorm BI-31, Verklaring met die oog op ’n huwelik (Declaration
for the purpose of marriage), invul.
- Vul aansoekvorm BI-130 by enige kantoor vir Binnelandse Sake
in. As jy in die buiteland woon, gaan na enige Suid-Afrikaanse
ambassade of missie.
- ’n Huwelik kan deur ’n gekose huweliksbeampte wat tot ’n
spesifieke godsdienstige groep of organisasie behoort, of deur ’n
verteenwoordiger van die Departement van Binnelandse Sake
geformaliseer word.
- ’n Huwelik moet in ’n kerk, ’n gebou wat slegs vir
godsdiensbeoefening gebruik word, ’n openbare kantoor of privaat
woning voltrek word. As een lid van die paartjie kort voor die
troue ernstig siek of beseer word, mag daardie huwelik in ’n
hospitaal voltrek word.
- Buitelanders wat in Suid-Afrika gaan trou, moet geldige
paspoorte hê en aansoekvorm BI-31 invul.
- Die twee mense wat trou, die twee getuies, en die
huweliksbeampte moet die huweliksregister onderteken sodra die
huwelik geformaliseer is.
Huwelik met ’n minderjarige (onmondige) persoon:
’n Minderjarige is iemand wat jonger as 21 jaar is en nog nie
vantevore getroud was nie. Die wet bepaal dat iemand wat voorheen
getroud was en wie se huwelik deur die dood of egskeiding beëindig
is, nie meer minderjarig is nie.
’n Minderjarige wat gaan trou, moet soos volg te werk gaan:
- Jy moet skriftelike toestemming van albei ouers en/of wettige
voogde indien, saam met ’n ingevulde aansoekvorm BI-32. Jy kan by
die Kommissaris van Kindersorg om toestemming aansoek doen as jy
nie weet waar om jou ouers op te spoor of hoe om die huwelik
goedgekeur te kry nie.
- Jy kan by die Hooggeregshof in die omgewing waar jy bly om
goedkeuring aansoek doen as jou ouers en/of die Kommissaris weier
om die huwelik goed te keur.
Geskeide persone wat wil trou, moet soos volg te werk gaan jy
moet ’n egskeidingsbevel indien. As daar ’n geldige rede is waarom
jy nie ’n skeibevel kan toon nie, of as jy in die buiteland geskei
is en die egskeidingsbevel nie kan verkry nie, moet jy ’n beëdigde
verklaring aflê. Die beëdigde verklaring moet bevestig dat die
aansoeker wettig geskei is en dit moet die naam van die hof en die
skeidatum vermeld.
Wewenaars en weduwees wat weer wil trou, moet soos volg te werk
gaan toon die oorlede eggenoot se doodsertifikaat. Dien ’n beëdigde
verklaring in as die sertifikaat nie beskikbaar is nie. Die
verklaring moet die naam van die oorledene en sy of
haar sterfdatum bevestig.
[Bo]
Regsraamwerk
(Dokumente is in
PDF-formaat. Adobe Acrobat Reader 4 of hoër is
nodig om PDF-dokumente oop te maak.)
[Bo]
Diensstandaard
- Verkorte huweliksertifikaat: Dit word onmiddelik
uitgereik.
- Onverkorte sertifikaat: Dit neem ses to agt weke om die aansoek
te verwerk.
[Bo]
Koste
- Verkorte huweliksertifikaat: R15
- Onverkorte huweliksertifikaat: R70
[Bo]
Vorms om in te vul
(Dokumente is in PDF-formaat. Adobe Acrobat Reader 4 of hoër is
nodig om PDF-dokumente oop te maak.)
[Bo]
Kontakbesonderhede
|