Beskrywing

‘n Identiteitsdokument (ID) is ‘n dokument wat ‘n persoon se identiteit bewys. Die groen ID met strepieskode is ‘n wettige vorm van identiteit in die omgang met private en openbare instellings. ‘n Identiteitsdokument word aan Suid-Afrikaanse burgers of houers van permanente verblyfpermitte uitgereik op die ouderdom van 16 jaar of ouer.

Wie mag aansoek doen om die heruitreiking van ‘n identiteitsdokument?

• Persone:

• wie se identiteitsdokumente verlore, gesteel of beskadig is
• wat aansoek gedoen het om die wysiging van persoonlike besonderhede (die nodige verwante dokumente om die aansoek om wysiging van persoonlike besonderhede in die Bevolkingsregister te regverdig, moet aangeheg word)
• wie se burgerskapstatus verander het
• wat tydelik in die buiteland woon en wat voorheen in besit van ‘n identiteitsdokument was.
• 'n Vrou wat in die huwelik bevestig is of wat enige van haar vorige vanne wil gebruik.
• 'n Immigant, indien die geldigheid van sy of haar permanente verblyfpermit nog nie verstryk het nie.

Stappe om te volg

• Doen aansoek by die naaste kantoor van Binnelandse Sake of dienspunte soos mobiele eenhede of die Suid-Afrikaanse Ambassade of Kommissariaat indien jy in die buiteland is.
• Vul aansoekvorm BI-9 in. Nota: Wanneer aansoek om ‘n ID gedoen word moet ‘n selfoonnommer verstrek word omdat die Departement boodskappe oor vordering van die aansoek asook kennisgewing van gereedheid van die dokument met die kortboodskapdiens (SMS) stuur.
• Aansoekvorm BI-10 word vereis vir die heruitreiking van ‘n identiteitsdokument. In gevalle waar die vingerafdrukke van ‘n aansoeker egter nog nie in die Bevolkingsregister opgeneem/aangeteken is nie, moet aansoekvorm BI-9 ingevul word.
• Dien ‘n gewaarmerkte afskrif van ‘n geboortesertifikaat, ‘n verwysingsboeknommer of ‘n afskrif van ‘n land- of reisdokument van die TBVC-lande (Transkei, Bophuthatswana, Venda en Ciskei) in asook twee identiese ID-grootte fotos wat onlangs geneem is.
• Jou vingerafdrukke sal geneem word vir opname in die Nasionale Bevolkingsregister. In die geval van ‘n eerste uitreiking sal ‘n persoon wat reeds ‘n ID-nommer besit, slegs vingerafdrukke op die aansoekvorm plaas.
• In die geval van ‘n genaturaliseerde burger of die houer van ‘n permanente verblyfpermit, moet die naturalisasiesertifikaat, permanente verblyfsertifikaat of vrystellingsertifikaat aan die aansoekvorm geheg word.
• Aansoek om ‘n tydelike identiteitsertifikaat (TIC) vereis die duimafdrukke van die aansoeker vir verifikasie.
• Indien jy getroud is en jy jou eggenoot se van aanneem, moet ‘n huweliksertifikaat aangeheg word.

Nota: Indien ‘n vrou aansoek doen om ‘n ID en sy enige van haar vorige vanne wil gebruik, moet dokumentêre bewys soos ‘n geboortesertifikaat of huweliksertifikaat voorgelê word as bewys dat sy geregtig is om daardie van te gebruik.

Regsraamwerk

(Dokumente is in PDF-formaat. Adobe Acrobat Reader 4 of hoër is nodig om PDF-dokumente oop te maak.)

Identification Act, 1997 (Act 68 of 1997) (Wet op Identifikasie, 1997)

Diensstandaard

Die uitreikingsproses neem twee maande. ‘n Identiteitsdokument sal slegs na ‘n aansoeker se posadres gestuur word as die aansoeker dit versoek en indien die posadres geldig is. In geval van heruitreikings kan ‘n ID uitgereik word aan persone wie se identiteitsdokumente verlore, gesteel of beskadig is.

Indien die aansoeker ‘n tydelike identifikasiesertifikaat (TIC) versoek, kan die kantoor van Binnelandse Sake onmiddellik ‘n TIC uitreik as die aansoeker se duimafdrukke bevestig is. Die TIC is geldig vir ‘n tydperk van drie maande en kan as ‘n vorm van identiteit gebruik word terwyl die aansoek om ‘n ware ID verwerk word.

Onthou: Om inligting oor die vordering van jou ID-aansoek te ontvang, SMS die woord ‘ID’ gevolg deur jou ID-nommer (ID 1212127891082) na 32551.

Koste

• Eerste aansoek - Gratis
• Heruitreiking van verlore, beskadigde of gesteelde ID - R20
• TIC- R20

Notas

• Jy betaal die fotograaf afsonderlik vir twee ID-grootte fotos.
• Die selfoonnetwerk hef R1.00 vir elke SMS wat gestuur word.

Vorms om in te vul

• *Aansoek om heruitreiking van ‘n identiteitsdokument, BI-9
• *Aansoek om identiteitsdokument, BI-10

Nota: *Spesiale spesifikasies en vereistes geld vir die verwerking van hierdie vorm en dus mag dit nie afgelaai word vir gebruik as ‘n aansoek- of registrasievorm nie. Alle vorms is beskikbaar by enige streeks- of distrikskantoor van die Departement.

Kontakbesonderhede