Beskrywing
Die Wysigingswet op die Registrasie van Geboortes en Sterftes,
1997 bepaal dat ’n kind wat lewend gebore is se geboorte binne 30
dae aangemeld moet word.
Een van die ouers of die wettige voog moet die geboorte aanmeld, en
as nie een van hulle dit kan doen nie, kan ’n persoon wat deur
hulle aangewys is die geboorte aanmeld.
[Bo]
Stappe om te volg
- Dien ’n vorm vir die aanmelding van ’n
geboorte (BI-24) by enige kantoor vir Binnelandse Sake in.
- ’n Persoon wat gevra is om die geboorte
namens die ouers of voog aan te meld, moet ’n geskrewe mandaat hê
om dit te doen. Hierdie mandaat moet ook die redes verstrek waarom
die ouers nie self die geboorte kan aanmeld nie.
- As ’n kind buite Suid-Afrika gebore is en
een van die ouers ten tyde van die kind se geboorte ’n
Suid-Afrikaanse burger is, kan die geboorte by die Suid-Afrikaanse
ambassade, konsulaat of by enige kantoor vir Binnelandse Sake in
Suid-Afrika aangemeld word.
- Indien ’n geboorte meer as 30 dae na die
geboorte aangemeld word, maar binne ’n jaar na die geboorte, moet
die ouers of wettige voog redes gee waarom die geboorte nie binne
30 dae aangemeld is soos die Wet vereis nie.
- As die ouers nie getroud is nie en hulle
die kind op die pa se van wil registreer, moet die pa vaderskap
erken in die ruimte wat op die vorm vir die aanmelding van ’n
geboorte daarvoor gelaat is. Die pa moet teenwoordig wees wanneer
die kind geregistreer word.
[Bo]
Regsraamwerk
(Dokumente is in
PDF-formaat. Adobe Acrobat Reader 4 of hoër is
nodig om PDF-dokumente oop te maak.)
Births and Deaths Registration Amendment Act,
1997 (Act 67 of
1997) (Wysigingswet op die
Registrasie van Geboortes en Sterftes)
[Bo]
Diensstandaard
Dit neem agt tot twalf weke om die aansoek te
verwerk.
[Bo]
Koste
Hierdie diens is gratis.
[Bo]
Vorms om in te vul
(Vorms is in PDF-formaat. Adobe Acrobat Reader 4 of hoër is
nodig om PDF-dokumente oop te maak.)
* Let wel: Die vorms in nie aanlyn beskikbaar nie. Tree asseblief
met jou naaste
departementele
kantoor in
verbinding.
[Bo]
Kontakbesonderhede
|